Teari Be-rukhi Ka Sadma

Teri be-rukhi ka sadma main uththaoon ab kahan tak

Mere saath jo bhi beeti woh sunaoon ab kahan tak

Meri manzilain nidard mere raaste pareshaan

Ghum-e-zindagi bata de k main jaoon ab kahan tak

Mere pass phool hai na koi phool jaisa chehra

Yoonhi seajh be-bassi ki main sajaoon ab kahan tak

Meri chahaton ki yaadein meri zaat main muqayyad

Mujhe tu he kuch bata de main bhulaoon ab kahan tak

Mere har taraf hai jaise ghum-e-aarzu ka paani

Teri yaad main yeh aansu main bahaoon ab kahan tak