Hansti Gaati iss duniya main

Hansti Gaati iss duniya main
Pehley din say aik safar hay
Jiss main Loug bichar sitaaron jesay
Miltay aur Bichar Jatey hain!
Jin peron ki chaoon hay sab per
Esay pair laganey waley
Piyaarey loug guzar jaatey hain
Aur safar jaari rehta hay
Raah tamam nahi hoti hay
Sacha Ishq to esa din hay
Jiss ki shaam nahi hoti hay
Daman Khaali bhi rehtey hain
Phoolon say bhar bhi jaatey hain
Aankhain pathar Hojatin hain
Puray Khuwab nahi hotey hain
Purey Khuwab nahi hotey hain!!