Lufzoon Main Fasanay

LufzoN mein fusaanay dhoondtay hein hum log

LumhoN mein zamaanay dhoondtay hein hum log

Tu zeher hi de sharaab keh ker saqi
Jeenay ke bahaanay dhoondtay hein hum log

Her zakhum ko seenay pay saja letey hein

Her dard ko hum dil mein basa letey hein

Tum pholoon pe sotay ho to dukhta hai badan

Hum kantoon ko aankhoN se laga letey hein

Hum hi mein thee na koi baat, yaad hi na tumko aa sakey

Tumnay hamein bhula diya, hum na tumhay bhula sakey !

Tum hi na sun sakey agar, kisa-e-gham sunayga kaun

Kis ki zubaan khulegi phir, hum na agar suna sakey

Shauk-e-visaal hain yahan, lab pay sawaal hain yahan

Kis ki majaal hain yahan, hum say nazar mila sakay

Kya khabar thi is tarah say woh juda ho jayega

Khawab mein bhi uska milna haadsa ho jayega !

Zindagi ki qaid-e-gham say kya nikalogay usay

Maut jab aa jaayegi to khud riha ho jayega !

Dost bankar usko chaha yeh kabhi socha na tha

Dosti hi dosti mein woh khuda ho jayega !

Uska parda hoga kya jiska ki parda noor hai

Jo bhi usko dekh lega woh fida ho jayega !